Мантажная стужка

Чаму “Андуціс”?   Карпарацыя “Onduline” выпускае шырокую гаму ізаляцыйных плёнак “Андуціс”. Калі ў вашым доме параізаляцыя і ветраахова не прадугледжаны, змагацца з вынікамі гэтага будзе прыкра і дорага. Даверцеся якасці “Onduline”! Вашаму дому абавязкова патрэбны параізаляцыйныя плёнкі!   Уявіце сабе чалавека, які выйшаў ранняй марознай ці проста халаднаватай раніцай на прабежку. Спартыўныя штаны, красоўкі, футболка і непрадзіманая лёгкая вятроўка. Ужо праз некалькі хвілін спартсмен сагрэецца, а ягонае адзенне, ясная рэч, зробіцца вільготным. Вось жа, у найлепшым выніку чалавек змерзне, а ў найгоршым — прастудзіцца. Як бы там ні было, карысці з гэтага няшмат.   У вашага дома няма нават двух варыянтаў. Кожнае зімы, калі вы пачынаеце яго ацяпляць, ён не горш ад бегуна аддае цяпло праз усе магчымыя адтуліны вонкі. Праз сцены, праз дах, праз падлогу. З прычыны розніцы тэмператур усярэдзіне дома і звонку ў перакрыццях і ўцяпляльніку ўтвараецца і паціху назапашваецца кандэнсат.   І калі ў чалавека ёсць магчымасць прыстасавацца — так бы мовіць, загартаваць арганізм, — дык ваш дом не мае аніводнага шанцу. Ужо пасля першага сезона ўцяпляльнік, які ўсю зіму прамярзаў, увесну адтане і, не знайшоўшы выйсця для вільгаці, адсырэе, пасля чаго банальна перастане выконваць сваю галоўную функцыю — утрымліваць цяпло ўнутры дома і не прапускаць холад звонку.   Унутранае аздабленне вашага дома — дарагія шпалеры, паркет, ламінат, паркетная дошка — праз пастаянную прысутнасць вільгаці ўсярэдзіне сцен, падлогі ці столі ўрэшце адляціць, патрэскаецца, набракне. Вы, можа, нават заўважыце, што ў вас цячэ дах. Ды толькі наўрад ці вы зможаце знайсці дзірку ў даху, праз якую вільгаць трапляе ў дом. Таму што яе няма. Замест яе — назапашаны ў перакрыццях кандэнсат.   Аднак жа як аматар зімовай прабежкі сёння мае магчымасць набыць тэрмабялізну і курткі з дыхаючымі мембранамі, якія дазваляюць яму гуляць на дварэ колькі заманецца, гэтаксама і ваш дом можа абзавесціся вельмі недарагімі, але надта карыснымі і неабходнымі для падаўжэння тэрміну службы дома тэрмаізаляцыйнымі плёнкамі.   Вы ніколі не ўбачыце вынікаў іх працы, затое адразу заўважыце, калі іх няма. Таму што, калі параізаляцыя ці ветраахова не прадугледжаны ў любым з так званых “пірагоў” — у дахавым крыцці або знадворных сценах, — гэта відаць няўзброеным вокам.